БИР ТУМАН ХАБАРЛАРИ
ДОЛЗАРБ МАСАЛАЛАР НАЗОРАТГА ОЛИНАДИ
Тўлебий тумани ҳокими Ауелхан Тургумбеков ҳокимликнинг навбатдаги
йиғилишида сўзга чиқиб, бундан буён барча долзарб масалалар ҳокимликнинг назорати остида бўлишини яна бир бор эслатди.Ҳокимликнинг барча бўлимлари, қишлоқ ҳокимлари, ташкилотлар раҳбарлари олдида туман ҳокимининг ўринбосари Рабиға Бейсебаева ўтган давр мобайнида бюджетга келиб тушган солиқлар, унинг режаси қандай бажарилаётгани ҳақида гапириб берди.Сўзга чиққан туман солиқ бошқармаси бошлиғи А.Арапбаев ўтган
йилнинг 5 ойига қараганда жорий йилда солиқлар режаси ктуилгандан зиёд 108, 5
фоизга бажарилгани, бу ишни амалга оширишда туман солиқ бошқармаси
жонбозлик кўрсатгани, бир неча бор рейдлар ташкил қилиб, қамчиликларнинг олди
олинганини хабар қилди.382 савдо нуқтасидан фақат 136таси лицензия олгани
аниқланган.Мана шу лицензияларнинг сотилиши туфайли туман бюджетига 40
миллион тенге тушган.Солиқ режасини бажара олмаётган ташкилотлар ҳам бор,
албатта, бу туман сув хўжалиги.
Ер муносабатлари бўлими бошлиғи А.Сеитқулов ер сотилишидан туман
бюджетига 26 миллион 530 минг тенге тушгани, лекин шу вақтгача туманда кўп
йиллардан бери муваффақиятли фаолият юритиб келаётган битум заводи,
"Замандас", "Ақ отау", "Реалстрой","Ўмирбек" ва бошқа ташкилотлар давлатдан
олган ернинг пулини тўламай келаётганидан шикоят қилди.Туман ҳокими шаҳар ва
қишлоқларда ташкилотлар ва хусусий шахсларда ортиқча ерлари бўлиб, унга
солиқ тўланмай келаётгани сир эмаслигини таъкидлади."Масалан, Бургуликда дам
олувчиларга хизмат кўрсатиб келаётган ташкилотлар ва хусусий шахслар ҳам
солиқ тўлашмайди, ҳатто рўйхатдан ўтмаган, деди ҳоким.Туманда яна бир солиқ
кўзи бор, бу ташкилотлар рекламалари.Ҳозир шаҳар ва қишлоқларда кўплаб
ташкилотларнинг рекламалари баннерларга ёзилиб, аҳоли кўп қатнайдиган
жойларда илиниб турибди.Бу рекламаларга албатта пул тўланиши керак.Бу борада
туман ички сиёсат бўлими, архитектура ва шаҳар қурилиши бўлими ва солиқ
бошқармаси бир ёқадан бош чиқариб ишлашлари керак".
Йиғилишга якун ясаган ҳоким ғалла ўрими, кузги ғалла экинининг боришига
тайёргарлик ҳақида гапириб, қишлоқларда ҳамон ўрим техникаси етишмаётгани,
шу сабабли ғалла ўриш мавсуми белгиланган муддатда бажарилмай қолгани,
натижада буғдойнинг исроф бўлганини таъкидлади.Туманда биринчи бўлиб,
"Аксай" ва "Бирлик" ИЧШ лар ер ҳайдашга киришгани, қолган қишлоқ хўжалик
қурилмалари ўз вазифасига масъулиятсизлик билан қараётганини айтди.Улар
ернинг қотиб қолгани, техника бу ишни бажара олмаётганини рўкач қилишмоқда.
Туман ҳокими яқин ўн кунликларда бажариладиган вазифаларни яна бир бор
эслатиб ўтди.Обуна масаласи ҳам қаралиб, режани бажармаган ташкилотлар
раҳбарларига яна бир ҳафта муддат берилди.
Чақирилмаган "меҳмонлар”
Чақирилмаган "меҳмонлар”, яъни ўғриларнинг ташрифидан тўлебийликлар безор бўлишган.Ўғирланган молнинг топилиши қийинлигини ҳам улар яхши билишади.Кўчада қолган машиналарнинг эҳтиёт қисмлари ўғирланаётгани ҳақида хабарлар туман ички ишлар бўлимига келиб тушмоқда.Бундай ўғирликлар асосан мактаб ёшидаги ўсмирлар томонидан содир этилмоқда.Сув ҳавзасига чўмилишга борган А.исмли йигитнинг кийими чўнтагидан 5500 тенге пул ва банк карточкаси ўғирланган.Л. исмли боланинг ота-онаси ўғлининг велосипеди йўқолгани ҳақида ариза берган. Бир уйдан ноутбук, тахометр ва қўл телефони ғойиб бўлган.
Ленгер шаҳридаги бозорда бир онахоннинг сумкасини бир йигит юлиб олишга ҳаракат қилган.Қария сумкасини маҳкам ушлаганича атрофдагиларни ёрдамга чақирган.Иккинчи безори келиб сумкани олиш учун қарияни бошига урган.Кампир йиқилса ҳам сумкасини қўйиб юбормаган.Лекин сумка ушлайдиган жойидан узилиб, ўғриларнинг қўлига ўтган.Полиция ходимларининг саййи ҳаракати билан ўғриларнинг бири шу куни, иккинчиси келаси куни ушланган ва жиноий иш очилган.
ўз мухбиримиз.
|
