"НУРОБОД" ГАЗЕТАСИНИНГ 2015 ЙИЛ 35-СОНИДА "БИЗГА МАКТУБ ЙЎЛЛАБСИЗ" РУКНИ ОСТИДА БЕРИЛГАН БИР МАКТУБ ЭЪТИБОРИМНИ ТОРТДИ. УНДА МУАЛЛИФ Н.РАҲМОНОВА ДОЛЗАРБ МАВЗУНИ ҚАЛАМГА ОЛИБДИ. ЯЪНИ, ЁШГИНА БОЛА САВДО ҚИЛАЁТИБ "ХОЛАЖОН ЎЗИМ ШУ НАРХГА ОЛМАГАНМАН. АГАР ЁЛҒОН ГАПИРГАН БЎЛСАМ, ОНА СУТИМ ХАРОМ БЎЛСИН", ДЕЯ ҚАСАМ ИЧГАНЛИГИ, ШУНИНГДЕК, БУГУН "ХУДО УРСИН", "ТИЛ ТОРТМАЙ ЎЛАЙ", "ЎЛАЙ АГАР, НОН УРСИН" КАБИ ҚАСАМЛАР ОДАТИЙ СЎЗГА АЙЛАНИБ БОРАЁТГАНЛИГИНИ КУЮНИБ ЁЗИБДИЛАР. ШУНИНГДЕК ХАТ СЎНГИДА "ҚАСАМ ҲА ДЕГАНДА, ҲАР СЎЗДА ИШЛАТИЛСА, УНИНГ ҚАСАМЛИГИ ҚОЛАДИМИ?. НИМА УЧУН КАТТА ЁШЛИ, КЎПНИ КЎРГАН ҚАРИЯЛАРИМИЗ БУ ҲАҚДА ЁШЛАРГА КЎПРОҚ ГАПИРИШМАЙДИ?» ДЕЯ ТЎҒРИ САВОЛ ҚЎЙИБДИЛАР.
БУ МАВЗУНИ БИЗ ТЎРТ-БЕШ ТЕНГ ТУШИМИЗ БИЛАН ЎЗОҚ МУҲОКАМА ҚИЛАР ЭКАНМИЗ, ҚАСАМ ЎЗИ НИМАЛИГИ, ҲАТТО, БАЪЗИ ЁШИ КАТТА КИШИЛАР ҲАМ БИЛМАСЛИГИНИНГ ГУВОҲИ БЎЛДИК. БИЛГАНЛАРИМИЗНИ СИЗ, АЗИЗ ГАЗЕТА МУШТАРИЙЛАРИГА ИЛИНГИМИЗ КЕЛДИ.
ҲАҚИҚАТДАН ҲАМ, ЭЪТИБОР ҚИЛСАНГИЗ МУАЛЛИФ ТИЛГА ОЛГАН ҚАСАМЛАР КЎПЧИЛИК УЧУН ОДДИЙ МУОМАЛАДА ҚЎЛЛАНИЛАДИГАН СЎЗЛАРГА АЙЛАНГАН. АЙНИҚСА, ЁШЛАР БУ ҚАСАМЛАРНИ БИЛИБ-БИЛМАЙ БЕАЁВ ҚЎЛЛАШАДИ. "ШУ ИШНИ ҚИЛСАМ", "НОТЎҒРИ ГУВОҲЛИК БЕРСАМ", ЁКИ "ШУ УЙГА КИРСАМ", "ШУ ОВҚАТНИ ЕЙСАМ", "ШУ КИШИ БИЛАН ГАПЛАШСАМ" КАБИ СЎЗЛАР БИЛАН, ОЛЛОҲ ЛАФЗИ БИЛАН АЙТИЛГАН ГАП ҚАСАМДИР. ШАРТЛАШИШ, АҲДЛАШИШ, АҲДУ ПАЙМОН ҚИЛИШ ҲАМ ҚАСАМДИР.
ПАЙҒАМБАРИМИЗ (С.А.В)ДАН ҲАДИС БОРКИ, БУХОРИЙ АБДУЛЛОҲ ИБН АМР ОСДАН ШУНДАЙ РИВОЯТ ҚИЛГАНЛАР: ГУНОҲИ КАБИРА — АЛЛОҲ ТАЪОЛОГА ШИРК КЕЛТИРМОҚ, ОТА ВА ОНАНИ ОҒРИНТИРМОҚ, ОДАМ ЎЛДИРМОҚ, НОҲАҚ ҚАСАМЁД ҚИЛМОҚДУР.
ДЕМАК НОҲАҚ ҚАСАМ ИЧИШ ЭНГ КАТТА ГУНОҲЛАР СИРАСИГА КИРАР ЭКАН. ЯНА БИР ҲАДИСИ ШАРИФДА "КИМКИ ХУДОЙИ ТАЪОЛОДАН БОШҚА БИРЛА ҚАСАМЁД ҚИЛСА БАС БАТОХИҚИҚ ХУДОЙИ ТАЪОЛОГА ШИРК КЕЛТИРУБДУР" ДЕЙИЛГАН. БУ ҲАДИСДАН ЎЙЛАМАСДАН АЙТИЛГАН ҲАР ҚАНДАЙ СЎЗ ШИРК ЭКАНЛИГИ, ҲАР БИР СЎЗИМИЗ ОБДОН ЎЙЛАБ, ФИКР ТАРОЗУСИГА СОЛИБ, СЎНГ СЎЗЛАШ ЖОИЗ ЭКАН ДЕГАН ХУЛОСА ЧИҚАРИШИМИЗ МУМКИН.
БАЪЗИДА АҲДИДА ТУРМАГАНЛАРДАН ГИНА ҚИЛСАК, "МАРД АЙТАВЕРАДИ ҲАМ, ҚАЙТАВЕРАДИ ҲАМ" ДЕГАН ҲАЗИЛОМУЗ ЯНГИ "МАҚОЛ"НИ ЭШИТАМИЗ. ЛЕКИН "АРСЛОН ИЗИДАН, ЙИГИТ СЎЗИДАН ҚАЙТМАС" ДЕГАН НАҚЛ ИНСОНИЙ ФАЗИЛАТЛАРИМИЗГА ЗЕБ БЕРИБ КЕЛАЁТГАНИНИ КЎПЧИЛИК УНУТИБ ҚЎЙМОҚДА.
ЯНА БИР ҲАДИСИ ШАРФДА КЕЛТИРИЛИШИЧА, БИР АРАБ ПАЙҒАМБАР (С.А.В)ГА "СЕНГА КЕЛУРМАН" ДЕБ ВАЪДА ҚИЛДИ. РАСУЛУЛЛОҲ (С.А.В) БУ АРАБНИ КУТИБ, ҚИРҚ КУН УЙИДАН ЧИҚМАДИЛАР. БИР КУН ЎША АРАБ КЕЛИБ, САЛОМ БЕРДИ. НАБИЙ МУҲТАРАМ АЛИК ОЛМАДИЛАР. АРАБ БУНДАН РАНЖИБ, САБАБИНИ СЎРАГАН ЭДИ, ДЕДИЛАР "СЕН МУНОФИҚСАН, МУНОФИҚНИНГ САЛОМИНИ ОЛИШ ЖОИЗ ЭМАСДУР".
ДЕМАК, ВАЪДАГА ХИЛОФЛИК МУНОФИҚЛИК БЕЛГИСИ. 
БАЙТ: СЎЗИН БУЗҒОН КИШИНИ ЯХШИ ЭРЛАР
"ҚУСИБ, ҚАЙТИБ АНИ ИЧГУНЧА" ДЕРЛАР.
КЎП ГУВОҲИ БЎЛАМИЗ БИР КИШИГА СИФАТ БЕРИШДА "БУ КИШИ РОСТГЎЙ, ЎЗ СЎЗИДА ТУРАДИ, АҲДИГА ВАФО ҚИЛАДИ" ДЕЙИЛСА КЎНГЛИМИЗДА УНГА НИСБАТАН ИЛИҚЛИК ВА ИШОНЧ ПАЙДО БЎЛАДИ. АКСИНЧА, "ҚАСАМХЎР" ДЕЯ СИФАТ БЕРИЛСА УНИ АЙЛАНИБ ЎТИШГА ҲАРАКАТ ҚИЛАМИЗ.
ШАРИАТДА КИМКИ ИЧГАН ҚАСАМИДАН ҚАЙТСА, ЯЪНИ БУЗСА АЛБАТТА УНГА КАФФОРОТ ЛОЗИМ БЎЛАДИ.
КАФФОРОТ МИҚДОРИ ЎН МИСКИНГА ТАОМ БЕРМОҚДИР. ҲАР БИР МИСКИНГА САДАҚАИ ФИТРНИНГ МИҚДОРИЧА ЁКИ ЎН МИСКИНГА КИЙИМ КИЙДИРМОҚДИР.
БУНГА ИМКОН БЎЛМАСА, УЧ КУН ПАЙДАР-ПАЙ РЎЗА ТУТИБ БЕРИШИ КЕРАК. ШУНДАГИНА, ИЧГАН ҚАСАМИНИНГ ГУНОҲИДАН, ЖАЗОСИДАН ҚУТИЛГАН БЎЛАДИ.
ХУЛОСА ҚИЛИБ АЙТАДИГАН БЎЛСАК, ФАРЗАНДЛАРИМИЗГА ҚУРИҚҚИНА "ҚАСАМ ИЧМА, ЁМОН БЎЛАДИ" ДЕБ ҚЎЙМАСДАН УНИНГ МОҲИЯТИНИ, ҚАСАМ ЁМОН ЭМАС, БУ АҲДДА ТУРМАСЛИК ЁМОНЛИГИНИ ТУШУНТИРСАК, БЎЛАР-БЎЛМАСГА ҚАСАМ ИЧИЛАВЕРМАСМИДИ?!

БОБОМУРОД ҲОЖИ МАҲМУДОВ,
МАДАНИЯТ ГУЗАРИ.