| |
| Статистика |
Онлайн всего: 1 Гостей: 1 Пользователей: 0 |
|
| Каталог статей |
ҚАБРДАН МАКТУБ
ҚАБРДАН МАКТУБ
Қабрдан бир мактуб олдик ёронлар,
Унда қизиқ сўзлар битмишлар буткул:
"Бу дунё биз учун асли имтихон,
Ундан омон чиқмак эрур хўп мушкул.
Одамлар иймонсиз не топсалар ҳам
Биз ётган даргоҳда қиймати йўқдир.
Аллоҳнинг йўлида тиккан бўлса жон,
Кўнгли ана ўша инсоннинг тўқдир.
Фарзандин тарбия қила олмаган
Оталар қабрда дод-вой солмишлар,
Дунёнинг энг тотли неъматин бериб,
Унинг ҳаққига зор йиғлаб қолмишлар.
Дуо илинжида кўзлар заъфарон,
Ўтган-кетган жонга ҳалак ётибмиз,
Ҳаёти дунёда қиёмат йўқ деб
Ҳаддан ошибмиз ва ғафлат қотибмиз.
Тинмасдан ғийбатга ружъу қўйганда,
Биров индамабди, тинч бўлгин дея.
Миш-мишлар устуни тўлдирилганда
Шайтонлар тусламиш турли қофия.
Биз пайқай олмадик Аллоҳнинг изнин,
Ўлиш фариштаси келгач, бўлди кеч.
Озгина иймондан тахсил олгандик,
Бугун ўшал кунлар биз учун соғинч.
Ёдимда, қуръондан бир ҳарф ўқиб,
Ўзимни бахтиёр билгандим тенгсиз.
Қанийди ўшал кун айланса тинмай,
Айланса, айланса, айланса сўнгсиз.
Қуръон ўқиб тинмай, йиғлайверсам-у,
Кўзимнинг ёшига чўмилса дунё.
Умримнинг аламли йиллари келиб,
Жой тополмай кетса гўёки рўё.
Қанийди, дунёда фақат ибодат
Ва фақат тоатга белим боғласам,
Ислом деб бошимни кундага қўйиб,
Иймон деб қалбимни ўтда доғласам.
Қанийди, қанийди, қанийди, дўстлар,
Озгина бир фурсат берилса эди,
Мен шунинг барчасин Аллоҳ йўлига
Сарфлаб юборардим, бўлмайин кети..."
Шундай мактубдан сўнг ўзгарди дерсиз
Бизнинг телба ҳаёт, бирдан, дафъатан?!
Қаттиқ адашасиз, чунки мактубнинг
Муҳри келган пайтда эскирган экан...
У.СОХИБОВ.
|
| Категория: Мақолалар, янгиликлар | Добавил: жанубий (15.11.2013)
|
| Просмотров: 871
| Рейтинг: 2.0/1 |
Добавлять комментарии могут только зарегистрированные пользователи. [ Регистрация | Вход ] |
|
|
|
|
|
