ОФАТ АЙТИБ КЕЛМАЙДИ
Якшанба куни тинмай ёққан ёмғир туфайли ( умумий қатлам 26-28 мм ни ташкил этган) Тўлебий туманининг бир қатор қишлоқларидаги уйларни сув босиб, табиий офат хонадонларга катта моддий зарар етказди.Бодом Илонбузган, Султонработ, Дўстиқ қишлоқларидаги уйлар, молхоналар ва хўжалик бинолари шикастланган.Туман фавқулодда ҳодисалар комитети ва туман ҳокимлиги ходимлари хавфли вазият юзага келган жойларда бўлишиб, зарар кўрган одамларга далда беришди,сув босган бир неча уйнинг ҳовлисидаги сувни насосли ускуна ёрдамида тортишди.Моддий зарар ҳажми ҳисобланмоқда.
Илонбузган қишлоғидаги уйларни сув босишига табиий офатдан ташқари Султонработ қишлоғидаги сув ҳавзасининг қаровсиз қолгани ҳам сабаб бўлган, деган тахмин ҳам кўрилмоқда.Ҳавза тўлгач, навбатчи сувни дарёга буриб юбориши керак бўлган.Бу иш бажарилмагач, ҳавза тўлиб тошган ва қишлоқдаги уйларни босган.Бу масалага туман фавқулодда ҳодисалар комитети ойдинлик киритади.
 ўз мухбиримиз.