БУ ВАТАН МАНИНГДУР! Баҳаво, осмонўпар тоғлари кўкка интилган, кўм-кўк тераклари кўзингизни қувонтирадиган,
дилингизни яшнатадиган, зилол булоқ сувлари танангизни яшнатадиган гўзал маво
—Тўлебий туманидаги Олатов қишлоқ округига қарашли Тўнғиз тоғ (Қўрғон) қишлоғида
туғилганлар.Баҳорда қишлоққа кираверишда турли чечаклар, айниқса, ялпизнинг қадрдон
иси, бўйи димоғингизга урилади. Мана шундай мусаффо, тоза ҳаводан нафас олган
инсоннинг умри узайиб, соғлиги мустаҳкамланиши барчага маълум.Қишлоқ ҳавоси салқин
бўлганлиги боис қишлоқда эрта пишиб тугаб кетадиган тут, аччиқ гилос, ўрик мевалари
июльнинг охиригача ҳам у ерларда пишиб ётади. Тоза ҳавода етилган бу меваларнинг
таъми ўзгача. Тоғдаги гиёҳлар, доривор ўтлар билан озиқланган эчки сутлари ҳам минг бир
дардга шифо. Қишлоқ одамлари ҳам соддадил, самимий, бағри кенг, меҳмондўст халқ.Бу
қишлоқнинг тунги табиати ҳам жозибали. Қишлоқ осмонида ой ҳам, юлдузлар ҳам ўзгача
порлайди. Инсон — табиатнинг бир бўлаги. Унинг жисми ҳам, руҳи ҳам аслида, чин маънода
фақат она табиат қўйнида ором топади. Табиат бор гўзаллигини гўё мана шу қишлоқда —
Қўрғонда намоён қилаётгандек туюлади. Лекин, минг марта гапиргандан бир марта кўрган
ортиқ, деганларидай,бу ерга бир келиб,қишлоқнинг гўзал манзараларини томоша
қилинг.Қишлоқнинг тарихидан хабардормисиз? Бу тўғрида тўхталашни лозим топдик, зеро Ватан тарихини ўрганиш остонадан бошланади,
Қўрғон эса тарихимизнинг энг дурдоналаридан бири. Келинг, бу тўғрида Сиз билан
фикрлашиб кўрамиз.Газетамизда аввал хабар берганимиздай, бу қишлоқ остида қадимий
шаҳарча топилган.Қорахонийлар шаҳарчаси.Бундан маълум бўлдики,қадимдан
ота-боболаримиз қишлоқларда ўтроқ яшашган, илм-фан, адабиёт ва санъат, тиббиёт,
бунёдкорлик, кулолчилик, китобатчилик соҳаларида етакчи ўринларни эгаллашган. Бу
қишлоқ Буюк Ипак йўлининг бир бўлаги ҳамдир. Азиз мухлисларимиз, газетамизнинг аввалги сонларида бир нечта ривоятлар ёздик. Уларнинг қайси бири тўғри, қайси бири афсона?! Умуман, бугун биз жонажон Ватанимизнинг ҳар бир шаҳри, қишлоғи тарихини билишимиз, шу маънода тарихимизнинг энг манзур томонларини ўрганиб, улардан сабоқлар олиб, бугунда юртимизни янада обод этиш, уни чаманзорга айлантириш ишларида фойдаланишимиз зарур, деган фикрларингизга қўшиламиз. Орадан минг йиллар ҳам ўтар, миннатдор келажак авлод бу кунларни ҳам қувонч билан эслар ва қачонлардир улғайиб вояга етадиган улуғ тарихчилардан бирининг ватанимиз юртимиз ҳақидаги "Бундан улуғроқ юрт йўқ", деган сўзларини тилга олиб, суюнишлари ҳам аниқ. Ўшанда ҳам қишлоқларимиз Қозоғистон кўксида энг ёруғ юлдуздек чарақлаб турсин, деймиз.Шунинг учун қишлоқларимиз тарихини бирга ўрганиб, фикр бўлишсак, нур устига аъло нур бўларди.
| 
