| |
| Статистика |
Онлайн всего: 1 Гостей: 1 Пользователей: 0 |
|
Главная » 2013 » Сентябрь » 2 » СИНОАТ
|
ҚИШЛОҚ ЧЕТИДАГИ СИРЛИ ҚАБР
"Қишпоғимиз четида бир қабр бор. Оқар сувнинг бир қирғоғидан жой олган... Айтишларича, бу қабрдаги марҳум сувда оқиб келган. Ҳеч ким суриштириб келмагач, шу ерга кўмилган экан. Сувга оқиб ўлгани учунми, бу қабр эгасини "шаҳид" деб аташади. Сизларга айтмоқчи бўлганим, айнан шу қабр атрофида қизиқарли воқеалар жуда кўп содир бўпади. Қишлоғи- миздагилар болаларига яра-чақа чиқса, шу қабрга келиб дуо қилишади, садақа чиқаришади. Кейин эса тупроғидан ярага суркаса, тузапиб кетади. Кечаси у ерда бўладиган ғайриоддий воқеалар эса кўпчиликни эсанкиратиб қўйган. Айримлар, "Қабрнинг атрофида ёниб турган чироқларни кўрдим", деса, бошқапари оппоқ шарпа юрганини гапиради.
Энг қизиғи, қабр тепасидаги олма дарахти қачон экилгани ҳеч кимга маъпум эмас. Лекин бу серҳосил дарахт ҳали бирор марта мевасига зор қилмаган. Бошқа дарахтларни совуқ урган вақтда ҳам, у мева берарди. Хуллас, бу жойни қишлоғимизнинг эътиқод қиладиган зиёратгоҳи, деса ҳам бўлади. Яқинда ўзим ҳам бир сирли ҳодисанинг гувоҳи бўлдим. Ўртоқларим билан кечаси қўшни қишлокдан, тўйдан қайтаётгандик. Вағир-вуғур қилиб, ўша ердан бепарво ўтиб кетибмиз. Ота-оналаримиз доим, "шаҳид"нингёнидан ўтсанг дуо қил, салом бер, деб уқтирарди. Биз эса... Бир пайт бир ўртоғим пичирлади:
- Йўлнинг четига қаранглар. Биз билан бирга қандайдир ёруғлик келяпти.
Ҳаммамиз бирдан ўгирилдик. Ростдан ҳам, биздан сал нарида, йўлнинг четида шам ёруғига ўхшаш шуъла пирпираб турарди.
- Кимсиз? - овоз берди бир ўртоғим. Кейин эса дарров деди: - Юринглар, "шаҳид"га салом бериб, дуо қилиб қайтайлик.Унинг айтганини қилганимиздан кейин ҳалиги нур йўқолди. Биз эса ҳамон бу синоатнинг тагига етолмаймиз.
Сардор АБДУҚОДИРОВ, Қўрғон қишлоғи.
ОДАМ ЗОТИДАН БЎЛМАГАН ЙИГИТ
Бу воқеани менга бувим ҳикоя қилиб берганди.
-У пайтлар жуда ёш эдим, - деганди бувим ўшанда. - Айни ғалла ўрими даври эди. Биз қизлар ҳам кўлимизда ўроқ билан буғдойзорга қараб йўл олардик. Тўрт-беш қиз даланинг ўзида тушлик қилар, дарахтлар соясида дам олар ва, албатта, ёнимиздан оқиб ўтадиган катта сойга тушиб чўмилардик. Бунинг завқи бошқача бўлгани учун ҳам уйга иссиқда тушпик учун боргимиз келмасди.
-Чўмилаётганда ҳушёр бўлинглар. Бирорта йигит пойлаб юрган бўлмасин! Шарманда қилиб, юзимни шувит қилсанг, ўласан! - онамиз ҳар куни шундай огоҳлантирар эди. Албатта, биз ҳам ўзи-мизга жуда эҳтиёткор эдик. "Кўза кунда эмас, ку-нида синади", деганлари рост экан. Бир куни ҳаммамиз энди сувга тушган чоғимизда, дарахтлар орасидан бир шарпа қараб турганини сездим.
-Кимсан? Уялмайсанми, қизларни пойлашга? Йўқол, кет! - деб бақирдим.
-Қани? Ким? Қаерда? - деб қолишди қизлар ҳам. Шунда ҳалиги шарпа дарахтлар орасига кириб, ғойиб бўлди. Сал ўтмай яна у бизни кузатаётганини сездим. Энди бақирмоқчи эдим, у кўли билан оғзини ёпиб, "жим" деган ишорани қилди. Шундагина унинг нотаниш эканлигини пайқадим. Яна... шу қадар чиройли эдики, қизлар унинг олди-да уялиб қоларди. Унга маҳлиё бўлиб тикилиб қолдим. Ҳушим жойида эмаслиги туфайли, тўлқин мени суриб, сойнинг тезоқар жойига олиб бориб қўйганини сезмабман. Бир пайт ўзимни ўнглай олмай қолдим. Мени оқим ўзи билан олиб кета бошлади. Шиддат билан оқиб борардим. Ёрдам сўрашга ҳам улгурмадим. Сувда қанча окдим, билмайман. Аммо бояги йигит мени қўлларида кўтариб, сувдан олиб чиққанида ҳушим ўзимда эди. Унинг ҳуснда тенгсиз юзига термулиб, ўзимдан кетаётганимни билдим.
-Кўзингни оч! - юзимга шапатилаётган дугонамнинг овозидан ўзимга келдим. - Юрагимизни ёрдинг! Қандай чикдинг сувдан? Оқиб кетаётгандинг-ку?! Орқангдан роса югурдик. Бу ерга чиқишга қандай улгурдинг?
Мен уларнинг саволига жавоб эмас, атрофга аланглаб, ҳалиги йигитни излардим. Уни бошқа кўрмадим. Билсам, ўша пайтда дугоналарим ҳам кўрмаган эканлар. Шунингучун бу гапни ичимда сақладим. Ўша йигитнинг одам зотидан эканлигига ишонмайман. Аммо у ўзи ким эди - буни ҳам билмайман. Чунки бу дунёнинг биз билмаган синоатлари кўп.
Насиба МУРОДОВА, Султонработ қишлоғи.
Ҳурматли муштарий! Сизнинг ҳаётингизда ҳам шу каби сирли воқеалар юз берган бўлса, албатта, бизга мактуб йўлланг. Агар сиз антиқа қобилият эгаси бўлсангиз ҳам бизга маълум қилинг. Ўзингиз ҳақингизда тўлиқ маълумот ва суратингизни кўшиб юборишни унутманг! Хат ва хабарларингизни газетамизда кўрсатилган электрон манзилимизга ҳам жўнатишингиз мумкин.
|
|
Просмотров: 944 |
Добавил: жанубий
| Рейтинг: 2.0/1 |
Добавлять комментарии могут только зарегистрированные пользователи. [ Регистрация | Вход ] |
|
| Календарь |
| « Сентябрь 2013 » |
| Пн |
Вт |
Ср |
Чт |
Пт |
Сб |
Вс |
| | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | |
|
|
|
|
