ХОТИРА МУҚАДДАС
Ҳурматли таҳририят!
2011 йилнинг 23 декабрида жонажон дўстим, хақиқий инсон, заҳматкаш,меҳнатсевар, етти фарзанднинг отаси , неварали-чеварали, келинли-куёвли , дўстлари учун жонини ҳам аямайдиган, Султонработ қишлоғининг обрў-эътиборли зиёлиларидан бири Хонпўлат  Абдукаримов  86 ёшида ҳаётдан кўз юмди.Чексиз изтиробдамиз.
  Шу аснода қишлоғимизнинг ёшу-қариси, узоқ-яқиндан келган қариндош-уруғлар, марҳумнинг таниш-билишлари ўзларининг ҳамдардликларини айтишиб, тасалли бериб туришди ва уларга мен газета орқали ўз миннатдорчилигимни изҳор қилмоқчиман.
   Тўлебий туманиниг фахрий фуқароси, Султонработ қишлоғининг бийлар кенгаши раиси Анормат Сартаев томонидан "Жанубий Қозоғистон” газетасининг 10 январ 2012 йили чиққан сонида чоп этилган Хонпўлат Абдукаримов  номига айтилган таъзиясида менинг номимга ҳам айтилган илиқ сўзлари юракларга ўз вақтида берилган малҳамдай бўлди, қишлоғимизнинг ҳурматли инсонларидан бири , ҳам дўстимиз, ҳам инимиз бўлмиш Анормат Сартаевга алоҳида миннатдорчилик изҳор этаман, Айнан Анорматнинг "Жанубий Қозоғистон” нинг саҳифасида берилган инсонийлик ва ҳамдардлик туйғулари дўстим Хонпўлатнинг хотирасига бағишланган бир шеърининг пайдо бўлишига туртки бўлди ва уни сизларнинг эътиборингизга ҳавола қилмоқчиман.
                             ДЎСТИМ ХОНПЎЛАТНИНГ ХОТИРАСИГА
    Сен энди бу ёлғон дунёдан кетдинг,ўтиб,
    Бизларни ўкситиб,ўкинтириб, ўйлатиб,   
    Кўз ёшларни тўкдириб дарё мисол,
     Тобутингни кўтаргизиб, оҳлар урдириб.
   Йиғлаймиз, инграймиз,  уҳ-уҳлаб,
   Сен эса ётибсан, бепарво, гўёки ухлаб.
   Ўлимга шунчалар берилдингми,
   Хўшлашмадинг, лоақал, бошингни ирғаб.
    Дўстлик риштасин маҳқам ўтқизиб,
   Фидоийликни меъёрига етқазиб,
    Баҳсларда гоҳ ютиб, гоҳ ютқазиб,
   Оқибат ташладинг, мени танҳо,
     Ҳасса таёғимни қўлимга тутқазиб.
    Умримда ёзмаган шеърни ёздирдинг,
    Ёки сен мени ақлимдан оздирдинг.
    Айрилиқда айланиб қолганда бул бош,
  Ўзимни ўзимдан ўздирдинг.
  Сен энди ётибсан, чин маконингда,
Шошилмасин бошқалар сенинг мақомингда,
Лекин шум ўлим хақ бу дунёда,
  Учрашамиз барибир, вақти келганда.
  Кел энди, хўшлашайлик, дўстлар каби,
   Юмшоқ бўлсин тупроғинг, момиқ пар каби.
  Оллоҳнинг рағмати сен томон ёғиб турсин,
   Пешонангда порлаб турсин, жаннат офтоби.
                    Тожибой НАЗАРОВ,
   Қозоғистон Республикаси ички ишлар органлариниг фахрийси, Тўлебий туман ички ишлар бўлими фахрийлар кенгаши аъзоси, истеъфодаги милиция майори.
                               Тўлебий тумани.